FH fékk Leikni í heimsókn í Skessuna í riðli tvö í A deild Lengjubikarsins í dag. FH er komið á toppinn eftir öruggan sigur í dag.
Ólafur Guðmundsson kom FH yfir strax á fimmtu mínútu og Úlfur Ágúst Björnsson skoraði annað markið stuttu síðar af vítapunktinum.
Staðan var 2-0 í hálfleik en Kjartan Henry Finnbogason og Davíð Snær Jóhannsson bættu sitthvoru markinu við í þeim síðari og 4-0 sigur FH staðreynd.
Leiknir er með þrjú stig eftir þrjá leiki eftir sigur á Breiðabliki í síðasta leik.
Stjarnan og Njarðvík áttust við í riðli þrjú. Stjarnan komst yfir í leiknum en Bergþór Ingi Smárason jafnaði metin með skoti fyrir utan vítateiginn.
Hilmar Árni Halldórsson hefði getað komið Stjörnunni í 2-0 áður en hann klikkaði á vítapunktinum.
Hann skoraði hins vegar tvö mörk eftir að Njarðvík jafnaði og tryggði Stjörnunni 3-1 sigur.
FH 4 - 0 Leiknir R.
1-0 Ólafur Guðmundsson ('5 )
2-0 Úlfur Ágúst Björnsson ('12 , Mark úr víti)
3-0 Kjartan Henry Finnbogason ('77 )
4-0 Davíð Snær Jóhannsson ('78 )
Stjarnan 3-1 Njarðvík
