Varnarmaðurinn fékk á sig vítaspyrnu á 7. mínútu er hann tók samherja sinn í landsliðinu, Mikael Neville Anderson, niður í teignum, en einhverjir voru á því máli að hann hafi átt að fá að líta rauða spjaldið.

Hann slapp með gult spjald og skoruðu AGF-menn úr spyrnunni. Gestirnir í Midtjylland jöfnuðu leikinn undir lok fyrri hálfleiks og komust síðan yfir snemma í þeim síðari áður en Paulinho, leikmaður liðsins, fékk sitt annað gula spjald.

Þegar fimmtán mínútur voru eftir af leiknum braut Sverrir aftur af sér í teignum og fékk hann sitt annað gula spjald og þar með rautt. Erfitt kvöld hjá miðverðinum.

AGF jafnaði en leikmenn Midtjylland sýndu mikinn karakter með því að skora sigurmarkið seint í uppbótartíma. Midtjylland er nú í öðru sæti með 39 stig, einu stigi frá toppnum.

Mikael Neville og félagar í AGF eru í 5. sæti með 29 stig.