Brynjar Gauti Guðjónsson og Matt Garner.
Víðir Þorvarðarson vakti athygli í fyrra.
Abel Dhaira er skemmtikraftur í markinu.
Miðjumaðurinn Gunnar Þorsteinsson.
Jökull Elísabetarson kom í ÍBV síðasta haust.
Miðjumaðurinn Ian Jeffs.
Sérfræðingar Fótbolta.net spá því að ÍBV endi í sjötta sæti Pepsi-deildarinnar í sumar. 13 sérfræðingar spá í deildina fyrir okkur þetta árið en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. ÍBV fékk 73 stig í þessari spá.
Spámennirnir:
Alexander Freyr Einarsson, Arnar Daði Arnarsson, Einar Örn Jónsson, Elvar Geir Magnússon, Freyr Alexandersson, Guðmundur Steinarsson, Gunnlaugur Jónsson. Hafliði Breiðfjörð, Magnús Már Einarsson, Sigurbjörn Hreiðarsson, Tómas Þór Þórðarson, Tryggvi Guðmundsson, Víðir Sigurðsson.
Spáin:
1. ?
2. ?
3. ?
4. ?
5. ?
6. ÍBV 73 stig
7. Fram 66 stig
8. Keflavík 63 stig
9. Þór 58 stig
10. Fylkir 52 stig
11. Víkingur 32 stig
12. Fjölnir 25 stig
Um liðið: Hermann Hreiðarsson og David James lituðu Pepsi-deildina skemmtilega í fyrra en eru nú báðir farnir úr Eyjum. ÍBV endaði í sjötta sæti þá og er spáð sama sæti í ár. Sigurður Ragnar Eyjólfsson, fyrrum þjálfari kvennalandsliðsins, er tekinn við þjálfun liðsins. ÍBV hefur þrisvar sinnum orðið Íslandsmeistari, síðast 1998.
Hvað segir Tryggvi? Tryggvi Guðmundsson er sérstakur álitsgjafi Fótbolta.net um liðin í Pepsi-deild karla. Tryggvi er markahæsti leikmaður efstu deildar frá upphafi en hann hefur skorað 131 mark með ÍBV, FH og KR. Hér að neðan má sjá álit Tryggva.
Styrkleikar: Góðir markverðir og flottir varnarmenn. Þeir eru vel mannaðir í öftustu línu og með menn sem hafa spilað nokkuð lengi vel saman. Svo er það auðvitað heimavöllurinn sem flokkast sem styrkleiki. Það er ekki því það sé einhver brjálæð stemning þar en það er eitthvað við hann, lið eru ekki of hrifin af því að koma þangað og spila leiki.
Veikleikar: Það er lítil sem engin breidd í þessu liði. Það er til dæmis afar slæmt að Arnór Eyvar mun missa af byrjun móts. Það er alltaf hluti af þessu að einhverjir meiðast og menn fara í leikbönn. Svo vantar Eyjamönnum auðvitað afgerandi markaskorara. Þeir hafa skorað lítið í vetur. Víðir er hæfileikaríkur en ekki þessi týpa sem þú getur stólað á að skori tíu mörk eða meira.
Lykilmenn: Matt Garner, Eiður Aron Sigurbjörnsson og Víðir Þorvarðarson.
Gaman að fylgjast með: Það verður spennandi að sjá hvernig Sigga Ragga tekst til með karlalið. Eftir gott gengi með kvennalandsliðinu verður gaman að fylgjast með hvernig honum á eftir að vegna. Það verður líka spennandi að sjá erlendu leikmennina fram á við og hvort þeim takist að búa til mörk.
Líklegt byrjunarlið í upphafi móts:
Stuðningsmaðurinn segir - Edda Sif Pálsdóttir
„Það væri kannski best fyrir mann sjálfan að fara með hóflegar væntingar inn í sumarið en það er bara svo leiðinlegt. Innst inni vonast maður auðvitað eftir eintómri gleði, sól og titli. Og sú von lifir alltaf furðulengi."
„Liðið missti marga mikilvæga menn fyrir tímabilið í fyrra og aftur núna. Tonny Mawejje var algjör lykilmaður í eyjaliðinu og að mínu mati einhver besti leikmaður deildarinnar svo hans verður sárt saknað. Við fáum þó aftur annan strangtrúaðan Úgandamann í hans stað, Abel Dhaira, sem kann að skjóta manni skelk í bringu en ver líka bolta sem enginn annar myndi gera."
„Styrkleiki liðsins er klárlega vörn og markvarsla og ég hef fulla trú á að Siggi Raggi bjargi rest. Áfram ÍBV!"
Völlurinn:
ÍBV leikur heimaleiki sína á Hásteinsvelli í Vestmannaeyjum. Völlurinn tekur um 3000 áhorfendur í heildina en þar af eru um 1000 í sæti.
Breytingar á liðinu:
Komnir:
Abel Dhaira frá Tansaníu
Atli Fannar Jónsson frá Breiðabliki
Dominic Adams frá Bandaríkjunum
Jonathan Glenn frá Bandaríkjunum
Jökull I Elísabetarson frá Breiðabliki
Farnir:
Aaron Spear í BÍ/Bolungarvík
David James hættur
Gunnar Már Guðmundsson í Fjölni
Hermann Hreiðarsson
Jón Gísli Ström í ÍR
Ragnar Leósson í Fjölni
Ragnar Pétursson í Þrótt
Tonny Mawejje til Haugesund
Leikmenn ÍBV sumarið 2014:
Abel Dhaira
Arnar Bragi Bergsson
Arnór Eyvar Ólafsson
Atli Fannar Jónsson
Bjarni Gunnarsson
Brynjar Gauti Guðjónsson
Dean Martin
Devon Már Griffin
Dominic Khori Adams
Eiður Aron Sigurbjörnsson
Gauti Þorvarðarson
Guðjón Orri Sigurjónsson
Gunnar Þorsteinsson
Ian Jeffs
Jonathan Ricardo Glenn
Jón Ingason
Jökull I Elísabetarson
Matt Garner
Óskar Elías Zoega Óskarsson
Víðir Þorvarðarson
Yngvi Magnús Borgþórsson
Leikir ÍBV sumarið 2014:
4. maí Fram - ÍBV
8. maí ÍBV – Stjarnan
12. maí Fylkir - ÍBV
19. maí FH - ÍBV
22. maí ÍBV – Víkingur R.
1. júní Þór - ÍBV
9. júní ÍBV - Valur
15. júní Breiðablik - ÍBV
22. júní ÍBV - KR
2. júlí Keflavík -ÍBV
13. júlí ÍBV - Fjölnir
20. júlí ÍBV - Fram
27. júlí Stjarnan - ÍBV
6. ágúst ÍBV – Fylkir
10. ágúst ÍBV - FH
18. ágúst Víkingur R. - ÍBV
24. ágúst ÍBV - Þór
31. ágúst Valur - ÍBV
14. september ÍBV - Breiðablik
21. september KR - ÍBV
28. september ÍBV – Keflavík
4. október Fjölnir - ÍBV
Athugasemdir
