Pep Guardiola vann sinn þrítugasta titil á stjóraferli sínum þegar hann stýrði Manchester City til sigurs í enska deildabikarnum í dag.
Hann hefur unnið titla hjá Barcelona, Bayern München og Manchester City.
„Við erum ótrúlega sáttir með það að vinna þessa keppni fjórum sinnum í röð. Við reyndum að vinna leikinn og við sköpuðum fullt af færum. Þeir fengu líka færi í skyndisóknum en heilt yfir áttum við mjög góðan leik."
Þegar honum var sagt frá því að hann væri búinn að vinna 30 titla á stjóraferli sínum, þá sagði hann: „Það er gott. Ég hef verið hjá stórum félögum og það er auðveldara að vinna í stórum félögum."
Sigursælustu leikmenn deildabikarsins
City á tvo sigursælustu leikmenn í sögu deildabikarsins. Bæði Fernandinho og Sergio Aguero hafa unnið keppnina sex sinnum og eru þeir sigursælustu leikmenn í sögu keppninnar.
Only two players in League Cup history have won the competition six times:
— William Hill (@WilliamHill) April 25, 2021
🏆🏆🏆🏆🏆🏆 Sergio Agüero
🏆🏆🏆🏆🏆🏆 Fernandinho
Man City legends. 🙌 pic.twitter.com/WhpS7QFZGP
Athugasemdir