Florentino Perez er staðfastur á því að hugmyndin um Ofurdeildina sé ekki dauð. Hann segir að félögin tólf hafi gert bindandi samninga sín á milli sem ekki sé hægt að rifta.
AC Milan, Arsenal, Atletico Madrid, Barcelona, Chelsea, Inter, Juventus, Manchester City, Manchester United, Liverpool, Real Madrid og Tottenham eru félögin tólf sem ætluðu sér að stofna deildina.
AC Milan, Arsenal, Atletico Madrid, Barcelona, Chelsea, Inter, Juventus, Manchester City, Manchester United, Liverpool, Real Madrid og Tottenham eru félögin tólf sem ætluðu sér að stofna deildina.
Níu af þessum ákváðu á þriðjudag og miðvikudag að taka ekki þátt í deildinni vegna mikillar óánægju hjá stuðningsmönnum víðs vegar um Evrópu.
Real Madríd er eitt þeirra félaga sem hefur ekki formlega dregið sig til baka og segir Pérez að það sé einfaldlega ekki hægt.
„Ég þarf ekki að útskýra hvað það þýðir að skrifa undir bindandi samning. Félögin geta ekki bara hætt," sagði forsetinn við AS.
„Sum þeirra hafa sagst ætla að hætta vegna þrýstings en þetta verkefni er ekki dautt. Deildin lifir og við ætlum að gefa okkur nokkrar vikur til að skoða og ræða málin á meðan við erum beittir ofbeldi af fólki sem vill notfæra sér okkar verkefni,“ sagði Perez sem er hvergi banginn þrátt fyrir mótbyr.
Athugasemdir
