Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

lau 25. maí 2024 17:44

Guðmundur Aðalsteinn Ásgeirsson
Neðra-Breiðholtinu

Dragan svekktur að vinna ekki einum færri - „Hafi 120% verið mark"

Dragan Kristinn Stojanovic, þjálfari Dalvíkur/Reynis.

Mynd: Jónína Guðbjörg Guðbjartsdóttir

Amin Guerrero í leik gegn ÍBV. Hann var öflugur í dag.

Mynd: Fótbolti.net - Sævar Geir Sigurjónsson

„Þetta var mjög góður seinni hálfleikur. Við vorum mjög slakir í fyrri hálfleik, náðum ekki að halda boltanum og náðum ekki þremur sendingum í röð á milli okkar," sagði Dragan Stojanovic, þjálfari Dalvíkur/Reynis, eftir 1-1 jafntefli gegn ÍR í Lengjudeildinni í dag.

Lestu um leikinn: ÍR 1 - 1 Dalvík/Reynir

ÍR var 1-0 yfir í hálfleik og einum manni fleiri eftir að Abdeen Abdul, sóknarmaður Dalvíkinga, fékk að líta sitt annað gula spjald undir lok hálfleiksins. Manni færri voru Dalvíkingar virkilega góðir og þeir náðu að koma til baka.

„Mér fannst það vera réttur dómur. Við verðum að tala aðeins betur um þetta á morgun á æfingu. Það gengur ekki að fá svona heimskuleg rauð spjöld og skilja liðið eftir tíu á móti ellefu. Það á ekki að koma fyrir aftur. Þetta var alveg 100 prósent réttur dómur," sagði Dragan um rauða spjaldið en hann var ánægður með frammistöðu sinna manna í seinni hálfleik.

„Við höfum oft séð það í fótbolta að það kveikir í liði að fá rautt spjald og það gerðist með okkur. Þetta var mjög góður seinni hálfleikur hjá okkur og við eigum að vinna leikinn. Það er mín skoðun. Við komum inn í klefa og vorum rólegir í hálfleik. Við vissum að við gætum spilað betur því þetta var versti fyrri hálfleikur okkar í kannski eitt og hálft ár. Við skipulögðum okkur og töluðum um hvað við ætlum að gera betur, og við gerðum það bara."

Af hverju var fyrri hálfleikurinn svona lélegur?

„Ég veit það ekki. Það er slæmt þegar þjálfari kemur í viðtal eftir leik og segir að liðið sitt hafi ekki mætt til leiks. Þetta er mjög skrítið en gerist stundum í fótbolta. Við náðum ekki að spila vel."

Dalvíkingar skoruðu undir lokin mark sem var dæmt af vegna rangstöðu. Það var mjög tæpt en flaggið fór á loft.

„Það eru góðir menn búnir að skoða þetta á myndbandi og þeir segja allir að þetta hafi 120 prósent verið mark. Við erum mjög svekktir að vinna ekki leikinn, en það gera allir mistök. Hvort sem það eru leikmenn, þjálfarar eða dómarar. Auðvitað er þetta svekkjandi. Það er alltaf betra að fá þrjú stig en að ná í eitt stig manni færri, ég get verið ánægður með það."

Hér fyrir neðan má sjá myndband af rangstöðumarkinu. Viðtalið í heild sinni er svo í spilaranum hér fyrir ofan en þar ræðir Dragan meira um byrjunina hjá Dalvíkingum í sumar en þeir ætla sér að halda áfram að ná í stig.