Íslenski miðjumaðurinn Samúel Kári Friðjónsson reimaði á sig skotskóna í dag er norska liðið Viking tapaði fyrir Haugesund, 4-2, í norsku úrvalsdeildinni.
Patrik Sigurður Gunnarsson og Samúel Kári voru báðir í byrjunarliði Viking í dag en liðið spilaði manni færri frá 12. mínútu er Kristoffer Lokberg var rekinn af velli.
Samúel kom Viking í 2-1 á 20. mínútu með marki úr vítaspyrnu og stóðu leikar þannig í hálfleik.
Heimamenn jöfnuðu í byrjun síðari hálfleiks. Samúel fór af velli á 61. mínútu.
Viking gerði tvö sjálfsmörk á síðustu mínútum leiksins og lokatölur því 4-2 fyrir Haugesund.
Viking er í 3. sæti deildarinnar með 21 stig.
Rosenborg vann þá Kristiansund, 3-1. Brynjólfur Andersen Willumsson var ekki í leikmannahópnum hjá Kristiansund. Liðið er á botninum með 1 stig.
Athugasemdir