Theódór Elmar Bjarnason skoraði sitt fyrsta mark fyrir KR á Íslandsmóti en hann hefur ekki leikið með neinu öðru félagi hér á landi. Theódór hóf ferilinn í Vesturbænum og virðist ætla að enda hann þar eftir að hafa verið erlendis í atvinnumennsku í sautján ár.
Lestu um leikinn: KR 3 - 3 Valur
Theódór skoraði fyrsta mark leiksins í afar fjörugu 3-3 jafntefli í fjandslag gegn Val fyrr í kvöld. KR-ingar tóku forystuna í þrígang en alltaf tókst Völsurum að jafna.
„Maður er alltaf svekktur þegar maður kemst þrisvar sinnum yfir og missir það niður en það var upplyftandi að skapa urmul af færum miðað við hvernig gengið hefur verið," sagði Theódór Elmar að leikslokum.
„Mér fannst léttara yfir mönnum en hefur verið og við vorum aggressívari. Okkur líður eins og þetta séu tvö töpuð stig."
Theódór var ánægður með frammistöðu KR í leiknum þar sem liðið spilaði vel í heilar 90 mínútur í stað þess að eiga einn góðan hálfleik og einn slæman eins og hefur verið að gerast að undanförnu.
Hann var enn ánægðari með mætingu stuðningsmanna og segir að tólfti maðurinn hafi gert mikið fyrir KR-inga í kvöld.
KR er um miðja deild með 18 stig eftir 14 umferðir en Theódór segir að leikmenn liðsins séu ekki á því að gefast upp.
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |