Markalaust jafntefli varð niðurstaðan þegar FH og Keflavík áttust við í Kaplakrika í kvöld. Sömu lið léku í Keflavík síðasta laugardag en þá unnu FH-ingar 5-0 sigur.
Ólafur Jóhannesson, þjálfari FH, var beðinn um að bera leikina tvo saman.
Ólafur Jóhannesson, þjálfari FH, var beðinn um að bera leikina tvo saman.
Lestu um leikinn: FH 0 - 0 Keflavík
„Fyrri hálfleikurinn var ekki ósvipaður nema að við skoruðum ekki. Annars fannst mér þessi leikur frekar lokaður. Leikurinn bar þess líka merki að þeir voru að verja stigið sem þeir höfðu," sagði Ólafur.
Sagt var á Stöð 2 Sport í kvöld að Steven Lennon yrði frá út tímabilið en Ólafur segir mögulegt að hann geti tekið þátt meira.
„Lennon er góður leikmaður en það er ekki víst að hann verði frá út tímabilið. Ég bind vonir við að hann spili meira."
FH siglir lygnan sjó í deildinni. Hver er gulrótin út tímabilið fyrir Fimleikafélagið?
„Við eigum eftir að spila við þessi lið sem eru í toppbaráttu. Við ætlum að sýna að við eigum möguleika á móti þeim. Við gætum haft einhver áhrif á úrslitin svo það eru tvímælalaust spennandi leikir framundan. Við ætlum að leyfa liðum að hafa áhyggjur af okkur. Við gerum kannski líka eitthvað óvænt í þessum leikjum, það veit enginn hvað við gerum."
Athugasemdir