Það voru nokkrar íslenskar fótboltakonur sem komu við sögu í leikjum dagsins í Evrópu.
Í sænska boltanum tapaði Íslendingalið Kristianstad á heimavelli gegn Piteå þar sem Guðný Árnadóttir, Hlín Eiríksdóttir og Katla Tryggvadóttir voru í byrjunarliði heimakvenna en tókst ekki að koma í veg fyrir 0-1 tap.
Leikurinn var jafn og tíðindalítill en Kristianstad er í fjórða sæti eftir tapið, níu stigum frá sæti í Meistaradeild Evrópu fyrir næstu leiktíð. Piteå er fimm stigum þar á eftir.
Áslaug Dóra Sigurbjörnsdóttir og Katla María Þórðardóttir voru þá í byrjunarliði Örebro sem tapaði 1-0 á útivelli gegn Brommapojkarna. Örebro er í fallsæti með 9 stig eftir 16 umferðir, tveimur stigum frá umspilssæti.
Í Danmörku var Hafrún Rakel Halldórsdóttir í byrjunarliði Bröndby sem sigraði gegn HB Köge og er komið með fjögur stig eftir þrjár fyrstu umferðirnar á nýju tímabili.
Kristianstad 0 - 1 Pitea
Brommapojkarna 1 - 0 Orebro
Brondby 1 - 0 Koge
Athugasemdir
