Kasper Schmeichel fékk að heyra það.
Farvel, Kasper Schmeichel.
Dönsku leikmannasamtökin krefjast afsökunarbeiðni frá Anders Olsen blaðamanni Ekstra Bladet sem hraunaði yfir Kasper Schmeichel, fyrirliða og markvörð danska landsliðsins.
Olsen skrifaði í grein í blaðinu að tími Schmeichel sem aðalmarkvörður Danmerkur ætti að vera liðinn, hann sé of gamall og ekki í líkamlegu standi. Hann sé klárlega ekki besti markvörður Dana í dag.
Olsen skrifaði í grein í blaðinu að tími Schmeichel sem aðalmarkvörður Danmerkur ætti að vera liðinn, hann sé of gamall og ekki í líkamlegu standi. Hann sé klárlega ekki besti markvörður Dana í dag.
„Hann dregur liðið niður og við þurfum að halda í okkur andanum í hvert sinn sem boltinn er sendur til hans því hann er svo lengi að athafna sig og fer svo á taugum þegar pressa er gerð á hann," segir Olsen um Schmeichel, sem er markvörður Celtic í dag.
„Kasper Schmeichel var algjörlega frábær markvörður en honum hefur hrakað verulega á undanförnum árum. Hann var of lélegur fyrir Nice, reyndi stutt fyrir sér í Belgíu og spilar nú í Skotlandi sem er verri deild en danska deildin. Á bekknum er Mads Hermansen (Leicester) sem spilar reglulega í ensku úrvalsdeildinni og var alltof góður fyrir dönsku deildina."
Schmeichel er 38 ára og segir Olsen að aldurinn væri ekki vandamál ef hann væri í formi. Hann segir að aðeins markverði handboltalandsliðsins sé fyrirgefið fyrir að vera of feitur. Þá líkti Olsen markverðinum við barn með lömunarveiki vegna tilburða sinna í vítateignum.
Michael Sahl Hansen formaður í dönsku leikmannasamtökunum segir Olsen hafa farið langt yfir strikið í orðavali sínu, segir að hann þurfi að fara í sjálfsskoðun og krefst þess að hann sendi opinbera afsökunarbeiðni til Schmeichel.
Athugasemdir
