Zlatan hefur misst af síðustu tveimur leikjum Milan. Hann var í leikbanni gegn Genoa og var svo ekki með gegn Sassuolo vegna meiðsla.

Hinn 39 ára gamli Zlatan er ekki klár í slaginn og verður ekki með í kvöld.

Zlatan hefur skorað 15 mörk í 17 deildarleikjum fyrir Milan sem er í þriðja sæti ítölsku úrvalsdeildarinnar. Rafael Leao eða Mario Mandzukic mun leiða sóknarlínuna, kannski gera þeir það saman.

Zlatan gerði nýjan samning við AC Milan í gær en hann verður hjá félaginu þegar hann heldur upp á 40 ára afmæli sitt.

„Ég væri tilbúinn að vera hérna til lífstíðar ef það væri hægt. Það hefur verið frábært að vinna með Stefano Pioli (þjálfara Milan) og hann er með rétt hugarfar. Á hverjum degi vinnur hann að því að bæta liðið og fá það besta út úr okkur," segir Zlatan.