Paul Pogba spilaði fyrri hálfleikinn í sigri Juventus gegn Chivas í æfingaleik í Bandaríkjunum um helgina.
Frakkinn fann fyrir óþægindum í hægra hné og er komið í ljós að um ræðir meiðsli á liðþófa sem kalla líklegast á aðgerð.
Pogba verður því frá í um tvo mánuði hið minnsta samkvæmt ítölskum fjölmiðlum og missir af fyrstu leikjum keppnistímabilsins.
Adrien Rabiot mun taka stöðu Pogba í byrjunarliðinu en Juve er einnig að reyna að kaupa Leandro Paredes frá PSG. TIl að geta gert það þarf félagið fyrst að losa sig við Aaron Ramsey og Arthur af launaskrá.
Rabiot er ekki með í æfingaferðinni um Bandaríkin af persónulegum ástæðum. Hann mætti seint á undirbúningstímabilið og æfir með varaliði Juve þar til hópurinn snýr aftur frá Bandaríkjunum eftir mánaðarmót.
