Anton Ari í leik með Val.
Rúnar Alex Rúnarsson, markvörður Nordsjælland, kom inn í íslenska landsliðshópinn sem kynntur var í gær en framundan eru leikir gegn Finnlandi og Úkraínu.
Rúnar kom inn í stað Ögmundar Kristinssonar sem er úti í kuldanum hjá Hammarby í Svíþjóð og er í leit að nýju félagi. Hannes Þór Halldórsson aðalmarkvörður og Ingvar Jónsson eru á sínum stað.
Rúnar kom inn í stað Ögmundar Kristinssonar sem er úti í kuldanum hjá Hammarby í Svíþjóð og er í leit að nýju félagi. Hannes Þór Halldórsson aðalmarkvörður og Ingvar Jónsson eru á sínum stað.
Á fréttamannafundinum var sagt að Anton Ari Einarsson, markvörður Vals, væri í viðbragðsstöðu sem fjórði markvörður. Anton var á dögunum valinn besti markvörður Pepsi-deildarinnar.
Sjá einnig:
Smelltu hér til að sjá hópinn í heild
„Ögmundur er ekki að spila og er að leita sér að liði en á meðan er Rúnar Alex að spila vel. Við erum gríðarlega ánægðir með stöðuna á markvörðunum okkar og hefðum getað valið úr fimm atvinnumönnum," segir Guðmundur Hreiðarsson, markvarðaþjálfari Íslands.
Guðmundur vonast til að með félagaskiptum muni Ögmundur ná að komast í sterkari deild. „Það voru einhver tilboð og hreyfingar í gangi í sumar. Nú er hann í þeirri stöðu að hann þarf að finna sér lið sem fyrst. Vonandi gengur það upp."
„Ég hef gríðarlega mikið álit á Antoni Ara. Hann datt óvænt inn í hópinn hjá okkur í Bandaríkjunum (í janúar) og hann sýndi sig og stóð sig mjög vel í þeim hópi. Hann er búinn að leggja gríðarlega mikið á sig, meðal annars með styrktaræfingum. Hann er hjá öflugu þjálfarateymi hjá Val. Hann hefur vaxið hratt og sýnt gríðarlega mikinn stöðugleika. Að mínu mati er hann einn allra besti markvörður Pepsi-deildarinnar. Ég tel að hann hafi alla burði í það að verða okkar næsti atvinnumaður sem markvörður. Það hljóta einhver lið að vera að skoða þennan strák," segir Guðmundur.
Viðtalið má sjá í heild sinni í sjónvarpinu hér að ofan.
Guðmundur Hreiðarsson.
Athugasemdir
