Fjölmiðlar í Portúgal og Ítalíu hafa verið að velta því fyrir sér hvert Diogo Dalot ætli að fara þegar samningurinn hans við Manchester United rennur út næsta sumar.
Dalot hefur byrjað tímabilið af miklum krafti og skoraði til að mynda frábæra tvennu í sigri Portúgal gegn Tékklandi í Þjóðadeildinni um helgina.
Fabrizio Romano gerði myndband til að ræða um stöðu Dalot og benti á að Rauðu djöflarnir eru með möguleika á að framlengja samninginn um eitt ár.
Romano segir að samskipti milli Dalot og stjórn Man Utd séu góð en að viðræður um nýjan samning séu ekki komnar langt á veg. Viðræðurnar hafa verið í gangi í nokkra mánuði en ganga hægt.
Hann segir stjórn Man Utd ekki vera stressaða yfir ástandinu vegna ákvæðis sem gerir félaginu kleift að framlengja samning Dalot og halda honum hjá sér í eitt ár til viðbótar.