Dean Martin þjálfari Selfoss
Selfoss þurfti að lúta í gras gegn Njarðvík á Jáverk-vellinum á Selfossi i dag en leikur liðanna endaði 1-2 fyrir gestina úr Njarðvík. Eftir erfiða byrjun náðu heimamenn forystu með marki frá Horvje Tokic en áður en yfir lauk höfðu Atli Freyr Ottesen og Kenneth Hogg snúið stöðunni og sent stigin þrjú suðVIurstrandarveginn til Njarðvíkur.
Lestu um leikinn: Selfoss 1 - 2 Njarðvík
„Ég er mjög svekktur að tapa á heimavelli fyrst og fremst en vel gert Njarðvík þeir unnu leikinn en við vorum alls ekki góðir í dag.“
Sagði Dean Martin þjálfari Selfoss um sín fyrstu viðbrögð eftir leikinn.
Leikurinn var kaflaskiptu en eftir erfiða byrjun náðu heimamenn vopnum sínum og komust yfir eftir um hálftíma leik. Þrátt fyrir ágætiskafla af og til tókst þeim ekki að bæta við.
„VIð vorum bara ekki góðir í dag frá fyrstu mínútu. Við verðum bara að segja satt og við verðum að skoða okkur sjálfa og ekki kenna neinum öðrum um. En okkar stærsta vandamál í dag vorum við sjálfir.“
Selfoss lék bikarleik gegn Fjölni á miðvikudaginn var en fannst Deano sá leikur sitja í þeim mönnum sem hann spiluðu?
„Nei það eru bara afsökun. Við vorum bara ekki góðir í dag .Menn ekki að senda frá a til b og vera þreyttir en ég nota það ekki sem afsökun. Við töpuðum því við spiluðum ekki vel.“
Allt viðtalið má sjá hér að ofan.
Athugasemdir
