Fabrizio Romano greinir frá því að sambandið á milli Arsenal og franska varnarmannsins William Saliba sé afar gott um þessar mundir.
Hinn 21 árs gamli Saliba átti afburða gott tímabil að láni hjá Marseille á síðustu leiktíð og ætlar Mikel Arteta að nota miðvörðinn í haust.
Orðrómur hefur verið á kreiki sem segir Saliba vera á leið til Marseille á öðrum lánssamningi en það er ekkert til í honum. Það mun ekkert tæla Saliba frá Arsenal nema risatilboð.
Báðir aðilar eru sagðir áhugasamir um að hefja viðræður um nýjan samning þar sem sá núverandi gildir til 2024.
Athugasemdir
