„Við mætum grimmir til leiks og erum yfir í barátunni í fyrri hálfleik. Það vantaði að skapa meira afgerandi færi í fyrri hálfleik. Okkur leið vel inn í hálfleik, þegar markið þeirra kemur eru menn smá stund að ná áttum aftur. Svekkelsi að jafna leikinn með sjö mínutur eftir, manni fleiri, með útileikmann í markinu og fá ekki betri stöður og færi," segir Halldór Árnason, þjálfari Breiðabliks, eftir 1-1 jafntefli gegn FH.
Lestu um leikinn: FH 1 - 1 Breiðablik
Þorleifur Úlfarsson og Anton Logi Lúðvíksson komu til baka úr löngum meiðslum í leiknum.
„Frábært að fá Anton Loga sem hefur verið frá í tvo mánuði. Hann var ekkert minna en stórkostlegur leikina áður en hann meiðist og var kominn í frábært form. Hann er einstakur leikmaður og ólíkur öðrum. Þorleifur hefur ekki spilað leik síðan í febrúar 2024, risastórt fyrir hann persónulega. Hann hefur verið duglegur í sinni endurhæfingu og er með gott hugarfar, mikilvægt fyrir okkur að fá hann."
Andri Rafn Yeoman, Aron Bjarnason og Davíð Ingvarsson eru hinsvegar allir frá vegna meiðsla.
„Það verður að koma í ljós, þeir eru frá. Það verður að koma í ljós hvenær þeir koma til baka."
Enn og aftur mistekst Blikum að sækja sinn fyrsta sigur í tvo mánuði. Ljóst er að liðið ver ekki Íslandsmeistaratitil sinn og baráttan um Evrópusæti er orðin mjög svo upp í móti.
„Við mætum í hvern einasta leik hungraðir og með drive, menn verða ekki sakaðir um neitt annað. Hver einasti leikur sem endar ekki með sigri er vonbrigði. Næsti leikur núna er úti í Sviss og menn þurfa að reseta hugarfarið fyrir þann leik.
Athugasemdir
