Miðjumaðurinn Tomas Soucek er að klára læknisskoðun hjá West Ham. Slavia Prag hefur gefið honum leyfi til að ganga frá samningi við félagið.
„Hann er í læknisskoðun núna. Ég held að hann gefi okkur nýja möguleika en hann er leikmaður sem passar í okkar hugmyndir," segir David Moyes, stjóri West Ham.
„Hann er fyrirliði Slavia Prag. Hann spilar sem varnartengiliður en hefur einnig skorað mörk sem sóknarmiðjumaður."
„Hann hakar í mörg box en við þurfum að gefa honum tækifæri og tíma til að aðlagast."
„Við erum búnir að gera tilboð í annan leikmann en ég get ekki tjáð mig meira um það að svo stöddu."
West Ham er í harðri fallbaráttu í ensku úrvalsdeildinni. Félagið hefur verið orðað við Juan Foyth, varnarmann Tottenham, og þá er talað um áhuga á að fá liðsfélaga hans, Kyle Walker-Peters, lánaðan.
Athugasemdir
