Fimm leikmenn í bann
Fimm leikmenn í Bestu deildinni voru úrskurðaðir í bann. Þar á meðal Marko Vardic í ÍA sem fékk umtalað rautt spjald í leik gegn Víkingi og spilar ekki gegn KA á laugardaginn.

Guðmundur Kristjánsson leikmaður Stjörnunnar er kominn með fjögur gul spjöld og tekur út bann gegn Val á fimmtudagskvöldið.

Atli Arnarson í HK fer einnig í bann vegna uppsafnaðra áminninga og missir af Kópavogsslag gegn Breiðabliki á sunnudag.

Hinir tveir leikmennirnir sem eru á leið í bann hafa einnig safnað fjórum gulum spjöldum en það eru Logi Hrafn Róbertsson í FH sem verður ekki með gegn Fram á föstudagskvöld og Birkir Eyþórsson í Fylki sem spilar ekki gegn Víkingi á sunnudag.