Er Hallgrímur í heitasta sætinu?
Stjarnan rúllaði yfir KA.
KA hefur byrjað Bestu deildina illa, er aðeins með fimm stig eftir átta leiki og situr í ellefta sæti, fallsæti. Liðið vann sinn fyrsta leik á dögunum þegar það lagði botnlið Fylkis á heimavelli en í kjölfarið kom svo 5-0 skellur gegn Stjörnunni í Garðabæ.
Talsverð umræða hefur verið um slæma byrjun KA, gagnrýnt að félagið hafi ekki styrkt sig nægilega mikið og í vetur þá hefur verið rætt um hvort þjálfarinn Hallgrímur Jónasson sé í heitu sæti.
Forráðamenn KA hafa ekkert viljað tjá sig um stöðu mála og þá gagnrýni sem hefur verið í gangi. Þeir hafa ekki svarað símtölum né skilaboðum Fótbolta.net síðustu vikur.
Talsverð umræða hefur verið um slæma byrjun KA, gagnrýnt að félagið hafi ekki styrkt sig nægilega mikið og í vetur þá hefur verið rætt um hvort þjálfarinn Hallgrímur Jónasson sé í heitu sæti.
Forráðamenn KA hafa ekkert viljað tjá sig um stöðu mála og þá gagnrýni sem hefur verið í gangi. Þeir hafa ekki svarað símtölum né skilaboðum Fótbolta.net síðustu vikur.
Haraldur Örn Haraldsson, fréttamaður Fótbolta.net og stuðningsmaður KA, var ekki hrifinn af því sem hann sá í leiknum gegn Stjörnunni.
„Mig langar næstum að telja upp hvern einasta mann í KA liðinu í dag, starfsmenn á hliðarlínu með. Liðið varðist hörmulega sem heild, þeir voru alltaf á eftir í 50/50 boltum," skrifaði Haraldur í liðnum 'Vondur dagur' í skýrslu sinni um leikinn.
„Þetta er hnefi í maga fyrir KA-menn, þeir voru lamdir aftur niður með rothöggi í Garðabænum eftir að hafa átt aðeins bjartari daga á undan," segir Baldvin Már Borgarsson í Innkastinu þar sem rætt var um leikinn.
„KA lætur rúlla yfir sig í þessum leik og það er áhugavert að þeir fá ekki eitt gult spjald í leiknum. Það er ekki eitt spjald í 5-0 tapi," segir Elvar Geir Magnússon.
„Það bara lyktar af andleysi og karaktersleysi. Sýna ekki einu sinni tilfinningar," segir Balvin.
KA á heimaleik gegn ÍA á laugardaginn en eftir þann leik tekur við landsleikjahlé. Hallgrímur sagði við fjölmiðla eftir tapið í Garðabænum að hann lofaði alvöru hugarfari í sínu liði í næsta leik.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 10 | 8 | 1 | 1 | 25 - 10 | +15 | 25 |
| 2. Breiðablik | 10 | 7 | 1 | 2 | 24 - 12 | +12 | 22 |
| 3. Valur | 10 | 6 | 3 | 1 | 23 - 12 | +11 | 21 |
| 4. FH | 9 | 4 | 2 | 3 | 16 - 16 | 0 | 14 |
| 5. ÍA | 9 | 4 | 1 | 4 | 18 - 13 | +5 | 13 |
| 6. Fram | 9 | 3 | 4 | 2 | 12 - 12 | 0 | 13 |
| 7. Stjarnan | 10 | 4 | 1 | 5 | 17 - 18 | -1 | 13 |
| 8. KR | 9 | 3 | 2 | 4 | 18 - 19 | -1 | 11 |
| 9. Vestri | 9 | 3 | 1 | 5 | 11 - 20 | -9 | 10 |
| 10. HK | 9 | 2 | 1 | 6 | 8 - 17 | -9 | 7 |
| 11. KA | 9 | 1 | 2 | 6 | 13 - 23 | -10 | 5 |
| 12. Fylkir | 9 | 1 | 1 | 7 | 12 - 25 | -13 | 4 |
Athugasemdir
