Timo Werner mun spila áfram með Tottenham á næstu leiktíð eftir að félagið tryggði sér hann aftur á lánssamningi frá RB Leipzig.
Þýski sóknarleikmaðurinn var lánaður til Tottenham síðasta janúar og kom að fimm mörkum í 14 leikjum í deild og bikar á seinni hluta tímabilsins.
Werner verður á láni hjá Tottenham allt tímabilið og getur félagið fest kaup á leikmanninum fyrir 8,5 milljónir punda. Ákvæðið í fyrri lánssamningnum hljóðaði upp á 15 milljónir punda og er þetta því talsverð lækkun á verðmiða.
Ekki er greint frá því hversu mikið Tottenham greiðir fyrir lánssamninginn, en Werner er 28 ára gamall og á tvö ár eftir af samningi sínum við Leipzig.
It’s Timo time (again). pic.twitter.com/lbQBvAuchE
— Tottenham Hotspur (@SpursOfficial) May 28, 2024
Athugasemdir