Afturelding leika í efstu deild karla í fyrsta sinn á næsta ári. Liðið lék gegn Keflavík í úrslitaleik um sæti í Bestu-deildinni. Leikar enduðu með 1-0 sigri Aftureldingar. Eina mark leiksins skoraði Sigurpáll Melberg Pálsson en hann mætti í viðtal eftir leik.
Lestu um leikinn: Keflavík 0 - 1 Afturelding
„Þetta er ólýsanleg tilfinning, að fá allan þennan stuðning. Það er ekki hægt að lýsa þessu. Þetta er mjög persónulegt, þetta skipti okkur miklu máli. Við komum hérna í fyrra, lærðum af reynslunni og kláruðum þetta", segir Sigurpáll sem er uppalinn í Aftureldingu.
Sigurpáll skoraði eina mark leiksins.
„Ég trúði þessu varla sjálfur. Ég sónaði út og gleymdi mér í fögnuðinum."
Leikurinn var mjög lokaður, það voru tækifæri á báða bóga. Mér fannst við verjast vel. Það þarf ekki meira en eitt mark. Það þarf bara að halda hreinu, skora eitt mark og þá er þetta búið. Og við gerðum það í dag."
Viðtalið má sjá í heild sinni í spilaranum hér að ofan.
Athugasemdir