Þetta herma heimildir football.london.

Jurgen Klopp, stjóri Liverpool, er mikill aðdáandi Son og hefði viljað bæta honum við sitt lið í ljósi þess að Sadio Mane langar í nýja áskorun í sumar.

Liverpool ætlaði að kanna hug Tottenham með því að gera stórt tilboð í hinn 29 ára gamla Son ef félagið hefði misst af Meistaradeildarsæti eins og útlit var fyrir lengi. En á lokasprettinum kastaði Arsenal frá sér fjórða sætinu og Spurs nýtti sér það. Það hefði verið högg fjárhagslega fyrir Spurs að missa af því að komast í Meistaradeildina.

Son endaði sem markahæsti leikmaður ensku úrvalsdeildarinnar á tímabilinu sem var að klárast ásamt Mohamed Salah, leikmanni Liverpool.

Suður-Kóreumaðurinn brosmildi hefur talað um það að hann sé spenntur fyrir því að spila aftur með Spurs í Meistaradeildinni og nýtur hann þess að leika fyrir Antonio Conte.

Það er óvíst hvað hefði gerst ef Tottenham hefði misst af Meistaradeildarsæti; hvort að Spurs hefði freistast til þess að selja Son ef gott tilboð hefði borist og hvort Son hefði einfaldlega beðið um sölu til þess að spila í sterkustu keppni Evrópu. En félagið komst þangað, ætlar að halda Conte sem stjóra og halda í sína bestu menn.

Mane er að öllum líkindum á förum frá Liverpool í sumar og félagið er að leita að einhverjum í hans stað. Sá leikmaður kemur ekki til með að vera Son, kannski sem betur fer fyrir félög sem stefna að því að ná Manchester City og Liverpool.