Sænska Aftonbladet sagði frá því nýlega að Milos væri á blaði hjá hollenska stórliðinu Feyenoord sem er í leit að nýjum stjóra eftir að Arne Slot hætti til að taka við Liverpool.

Þá segir sagan að ungversku meistararnir í Ferencváros hafi líka áhuga á Milosi. Það yrði þó kostnaðarsamt að fá hann lausan frá Dúbaí, hann er samningsbundinn til næstu ára og er á háum launum.

„Eftir að ég hef verið hér í nokkur ár, þá þarf ég kannski ekki að hugsa um peninga framar. Það mun skapa frið innra með mér," sagði Milos í viðtali við sænska fjölmiðla fyrr á þessu ári.

„Metnaður minn er að koma aftur til Skandinavíu eða Evrópu á einhverjum tímapunkti. Hvort sem það er eftir sex mánuði eða tíu ár, við sjáum til. Ég hef lært að lifa í núinu."

Milos er bæði með íslenskt og serbneskt ríkisfang. Hér á landi stýrði hann Breiðabliki og Víkingi, en hann spilaði einnig hér sem leikmaður áður en skórnir fóru upp á hillu.