„Þetta var frekar sanngjart sko. Mér fannst við hafa yfirhöndina eiginilega bara allan tíman og 4-0 kannski bara sanngjart." sagði Indriði Áki Þorláksson, leikmaður ÍA eftir sigurinn á Þór á Norðurálsvellinum í dag.
Lestu um leikinn: ÍA 4 - 0 Þór
„Við klúðruðum kannski tveimur- þremur alveg dauðafærum í fyrri hálfleik þannig við hefðum átt að vera búnir að skora fyrr en bara sætt að vera komnir í 1-0 fyrir hálfleik og það breytti eiginilega miklu."
Indriði Áki Þorláksson var í dag að mæta bróðir sínum Alexander Má Þorlákssyni og pabba sínum Þorlák Árnason og segir Indriði að það hafi verið mjög skrítið.
„Þetta var mjög skrítið sko, mér fannst þetta ekkert svakalega gaman undir lokin en sætt að vinna þá, hefði verið leiðinlegt að tapa á móti þeim."
Skagamenn virðast vera komnir í gang eftir dapra byrjun og var Indriði Áki spurður hvort það væri ekki gott að liðið væri komið með fjóra sigurleiki í röð.
„Já alveg klárt, það er nokkuð augljóst. Við erum á góðu rönni og ég held að við getum alveg haldið því áfram."
