Afríkukeppnin sem átti að fara fram í Kamerún í janúar á næsta ári hefur verið frestað til ársins 2022. Knattspyrnusamband Afríku tilkynnti þetta í dag en ástæðan er kórónuveirufaraldurinn. Afríkukeppni kvenna hefur einnig verið aflýst.
„Heilsan er númer eitt," sagði Ahmad Ahmad, forseti knattspyrnusambands Afríku, á fréttamannafundi í dag.
Þetta þýðir að leikmenn í ensku úrvalsdeildinni og öðrum stórum deildum í Evrópu missa ekki leikmenn í Afríkukeppnina á næsta tímabili.
Englandsmeistarar Liverpool hefðu meðal annars getað misst Mohamed Salah, Sadio Mane og Naby Keita í nokkrar vikur ef keppnin hefði farið fram í janúar næstkomandi.
Afríkukeppnin fer fram í janúar 2022 en í nóvember og desember sama ár verður HM í Katar.
Athugasemdir