Crystal Palace hefur styrkt miðjuna sína á þessum gluggadegi en Albert Sambi Lokonga er mættur til liðsins á láni frá Arsenal.
Félagið staðfesti kaup á miðjumanninum Naouirou Ahamada fyrr í kvöld.
Lokonga er 23 ára varnarsinnaður miðjumaður en hann gekk til liðs við Arsenal frá Anderlecht sumarið 2021. Hann hefur spilað 39 leiki fyrir Arsenal í öllum keppnum á einu og hálfu ári.
„Ég er mjög spenntur, get ekki beðið eftir því að byrja. Ég er mjög ánægður að koma til Crystal Palace. Ég vil fara eins langt og mögulegt er með liðinu. Ég mun reyna allt til að koma liðinu á toppinn," sagði Lokonga.
Another one joins ????#CPFC
— Crystal Palace F.C. (@CPFC) January 31, 2023
Athugasemdir
