Byrjunarlið Fylkis og Fram: Gummi Magg ekki með - Sá hollenski á bekknum

Það er einn leikur í Bestu deild karla í kvöld. Fylkir tekur á móti Fram og verður flautað til leiks klukkan 19:15.

Hér má nálgast beina textalýsingu frá Árbænum

Ef heimamenn vinna sigur í kvöld þá fara þeir upp úr fallsæti, senda HK niður í fallsæti á markatölu. Framarar geta farið upp í fimmta sætið í deildinni, upp í efri hlutann.

Hollenski sóknarmaðurinn Djenairo Daniels er kominn með leikheimild með Fram. Daniels er 22 ára sóknarmaður sem getur leyst það að spila á báðum köntunum og fremst á vellinum. Hann byrjar á bekknum hjá Fram.

Tvær breytingar á byrjunarliði Fylkis frá síðasta leik. Emil Ásmundsson og Þóroddur Víkingsson koma inn í byrjunarliðið fyrir Ómar Björn Stefánsson og Nikulás Val Gunnarsson.