Franski sóknarmaðurinn Antoine Griezmann er á leið aftur til Atletico Madrid frá Barcelona.
Ítalski fjölmiðlamaðurinn Fabrizio Romano segir að viðræður séu langt komnar varðandi lánssamning. Atletico þarf svo að kaupa hann þegar láninu lýkur.
Barcelona er í miklum fjárhagsvandræðum og hefur ekki efni á því að halda Griezmann mikið lengur í sínum herbúðum.
Griezmann, sem er þrítugur, var keyptur til Barcelona frá Atletico fyrir tveimur árum fyrir 120 milljónir evra. Á tveimur árum hjá Barcelona hefur hann skorað 35 mörk í 102 leikjum.
Barcelona er að vinna í því að fá hollenska sóknarmanninn Luuk de Jong frá Sevilla í staðinn. De Jong skoraði fjögur mörk í 34 leikjum fyrir Sevilla í La Liga á síðustu leiktíð.
Athugasemdir