Niðurtalningin - Eitthvað nýtt og miklu stærra
Aldrei heim - Horfum ekki á E-riðilinn á EM
Niðurtalningin - Hverfisstrákarnir úr Árbænum
Aldrei heim - Kjartan Henry fékk góða gjöf frá Úkraínumanni
Aldrei heim - Formaðurinn í takkaskónum
Niðurtalningin - Sama uppskrift og í fyrra
Aldrei heim - Landsliðið komið til Póllands
Útvarpsþátturinn - Jói Kalli, Bjarki Már og Elvar Geir um landsliðið
Beint frá Búdapest - Hetjan sem mátti ekki tala
Beint frá Búdapest - Áfall að morgni leikdags
Viktor Unnar: Fann strax að þetta er eitthvað sem á við mig
Aron Jó: Cole Campbell tekur sínar eigin ákvarðanir
Hugarburðarbolti Þáttur 8
Beint frá Búdapest - Skiptar skoðanir á ákvörðuninni um Albert
Hákon Rafn - Umspilið og leiðin til Brentford
Enski boltinn - Töfrar í bikarnum
Útvarpsþátturinn - Landsliðsvalið fyrir bardagann í Búdapest
Hugarburðarbolti Þáttur 7
Gylfi mættur í Val - Lyftir deildinni upp um nokkrar hæðir
Enski boltinn - Yfirburðir Liverpool og ómögulegt að spá
banner
   sun 28. apríl 2019 09:30
Guðmundur Aðalsteinn Ásgeirsson
Hver er Logi Tómasson? - „Ég er frekar ofvirkur"
Logi Tómasson.
Logi Tómasson.
Mynd: Fótbolti.net - Hafliði Breiðfjörð
Víkingar fagna.
Víkingar fagna.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Sölvi Geir Ottesen.
Sölvi Geir Ottesen.
Mynd: Fótbolti.net - Hafliði Breiðfjörð
Ný Pepsi Max-stjarna fæddist á föstudaginn þegar Valur og Víkingur R. mættust í ótrúlega skemmtilegum opnunarleik.

Hinn 18 ára Logi Tómasson skoraði magnað mark í leiknum, klobbaði tvo varnarmenn og smellti boltanum í samskeytin. En hver er þessi nýja stjarna Pepsi Max-deildarinnar? Logi var á línunni í útvarpsþættinum Fótbolti.net í gær og kom golf, handbolti, gel og tónlist við sögu.

Mark Loga má sjá hérna.

„Ég svaf lítið. Maður horfði á þetta nokkrum sinnum, ég er ekki með tölu á því hversu oft ég horfði á þetta - örugglega yfir 1000," sagði Logi.

„Ég sá að klofið á Orra var opið, ég sá að Eiður var líka með opið klofið og ákvað að fara í gegn þar líka. Svo skaut ég á markið og hann endaði skeytunum."

Hver er Logi Tómasson?
„Ég er Víkingur, uppalinn Víkingur. Ég er frekar ofvirkur, ég hef verið í golfi, handbolta, fótbolta og svo er ég byrjaður að gera tónlist núna. Það er mikið að gera þessa daganna," sagði Logi þegar hann er beðinn um að lýsa sjálfum sér.

Einnig bjó Logi til hárgel. „Það hét Bronzer," sagði Logi, en frétt Vísis um málið má sjá hérna.

„Á kvöldin þarf ég alltaf að vera með vinum mínum, ég get ekki verið einn að slaka á. Ég er helvíti ofvirkur."

Logi var markvörður í handbolta en það fór á hilluna þegar Milos Milojevic, þjálfari Víkinga, sagði honum að gera það. Eins og Logi lýsir því sjálfur.

Logi kom inn á sem varamaður á föstudaginn þegar Dofri Snorrason meiddist. Hann var ekki búast við því að hann væri að fara að spila þennan leik.

„Ég er búinn að vera fótbrotinn og ég var að koma til baka fyrir um tveimur vikum. Ég hélt ég myndi ekki koma inn á. Svo kemur kallið og þá fer hjartað á milljón. Þá gleymir maður fætinum."

Logi á tvö vinsæl lög undir nafninu Luigi á Spotify og er hann núna að fara að gefa út lög með Viktori Jónssyni, framherja ÍA, og Reyni Haraldssyni, leikmanni ÍR. Þeir kalla sig „venjulega gaura".

Elskar bakvörðinn
Í fyrra fór Logi á lán til Þróttar í Inkasso-deildinni. Hann segir að það hafi gefið sér mikið.

„Það gaf mér helling. Ég var ekki að fá að spila hjá Víkingi og fór til Þróttar á láni sem kantmaður. Vinstri bakvörðurinn meiddist svo og þá fór ég inn á í þá stöðu. Ég gaf tvær stoðsendingar og spilaði eftir það alla leiki í vinstri bakverði."

„Ég elska bakvörðinn. Mér finnst það skemmtilegra en að spila sem kantmaður. Ég lít á mig sem bakvörð."

„Ég er með fína löpp. Mér finnst fínt að geta sent hann fyrir og spila vörn. Negla þessa gæja niður."

Víkingur kom mjög á óvart í leiknum í gær. Þeir voru óhræddir og spiluðu frábærlega gegn Íslandsmeisturunum.

„Við vorum ekkert verri en þeir. Við sýndum fólki að við getum spilað flottan fótbolta og við erum ekkert hræddir við að pressa og spila honum," segir Logi.

„Við gerðum þetta vel. Arnar lagði leikinn vel upp. Við hefðum átt að taka þrjú stig."

Heiður að spila með honum
Sölvi Geir Ottesen er leiðtoginn í liði Víkings. Logi hefur ekkert nema gott að segja varnarmanninn reynda.

„Það er heiður að spila með honum. Hann er algjör meistari. Besti hafsent sem ég hef spilað með. Leiðtogi," sagði Logi um fyrrum landsliðsmanninn.

„Hann er alltaf að skóla menn til. Hann hraunar yfir mann ef maður gerir eitthvað slæmt og hrósar ef maður gerir eitthvað gott. Eins og faðir minn."

Það verður spennandi að fylgjast með Loga í sumar, en viðtalið við hann má í heild sinni hlusta á hér að ofan.
Athugasemdir
banner
banner
banner
banner
banner