Arsenal orðað við fjóra sóknarmenn - Real Madrid að sækja bróður Mbappe líka - Zidane efstur á lista Ratcliffe - Barcelona á eftir De Gea
Sjáðu þrumuræðu Þorvalds Örlygssonar sem tryggði honum formannsembættið
Ingibjörg: Hafði alltaf trú
Telma: Vissi að við kæmum brjálaðar til baka
Sveindís: Lofaði að bæta upp fyrir það og fannst ég gera það
Glódís: Við sem leikmenn, þjóðin og KSÍ þurfum öll að stíga upp
„Búin að fá einhverja Twitter-kalla á sig en gerir okkur að sterkara liði"
Steini: Allt í lagi á meðan maður fær ekki slag
Alexandra í skýjunum: Það væri galið að setja hann ekki í svæðið
Hildur: Í augnablikinu vissi ég ekki að það kæmi mark úr því
Fyrsta landsliðsmarkið kom á besta tíma - „Ólýsanleg tilfinning"
Gunnhildur: Ætlað mér að vera styrktarþjálfari í svona tíu ár
Sædís: Þurfum að vera rólegri á boltanum og þora
Hefði frekar verið til í Valsvöllinn - „Eitthvað sem ég þarf að laga fyrir næsta leik"
Guðrún: Það voru Blikalög í rútunni á leiðinni og allir pepp
Alexandra: Er svo hógvær að ég segi að þetta sé sjálfsmark
Máni efstur í kosningu til stjórnar KSÍ
Þrumuræða Þorvaldar gerði útslagið: Fyrst og fremst tilfinningar frá mér
Sveindís beðið lengi - „Erfitt að segja hvenær maður kæmist aftur í fótbolta"
Steini: Svona atriði sem skipta gríðarlega miklu máli
Telma: Það var kannski smá mikið að gera á köflum
banner
   fös 01. desember 2023 17:12
Sæbjörn Þór Þórbergsson Steinke
Einn af sex í Svíþjóð sem náðu eftirtektarverðum áfanga - „Mjög hreykinn af því"
28 ára vinstri bakvörður sem spilar með Kalmar í Svíþjóð.
28 ára vinstri bakvörður sem spilar með Kalmar í Svíþjóð.
Mynd: Fótbolti.net - Hafliði Breiðfjörð
Lék alla leikina með Kalmar á tímabilinu og allar mínúturnar í öllum deildarleikjunum.
Lék alla leikina með Kalmar á tímabilinu og allar mínúturnar í öllum deildarleikjunum.
Mynd: Fótbolti.net - Hafliði Breiðfjörð
Maður vill horfa til baka og ekki sjá eftir neinu.
Maður vill horfa til baka og ekki sjá eftir neinu.
Mynd: Fótbolti.net - Hafliði Breiðfjörð
Davíð Kristján Ólafsson var að klára sitt annað tímabil hjá sænska félaginu Kalmar. Liðið endaði í sjötta sæti í ár eftir að hafa endað í fjórða sæti í fyrra.

Vinstri bakvörðurinn segir árangurinn ásættanlegan. „Ég myndi segja að það að vera topp sex klúbbur í Svíþjóð, miðað við stærð klúbbsins, held ég að sé mjög gott. Við spilum góðan fótbolta, erum með stráka sem vilja bæta sig og ef horft er í tölfræðina erum við að gera marga góða hluti og marga hluti rétt," sagði Davíð við Fótbolta.net í dag.

Hann er 28 ára og kom til Kalmar frá Álasundi fyrir tímabilið 2022. Honum finnst boltinn sem Kalmar spilar skemmtilegur. „Algjörlega. Þegar ég fer í Kalmar þá frétti ég af þjálfaranum sem var þá - og er með Malmö núna. Ég frétti að þeir væru með ákveðið einkenni og með sína sýn á fótbolta. Það var nákvæmlega staðan og hentar mér rosa vel."

Ætlar að bíða og sjá fyrst hvað Kalmar vill gera
Davíð á eitt ár eftir af samningi sínum, er hann að kíkja í kringum sig?

„Nei, í rauninni ekki. Ég ætla að bíða og sjá hvað þeir vilja gera fyrst og svo hvað kemur upp, taka einn dag í einu. Mér líður allavega vel þarna."

„Síðasta tímabil var mjög gott, ég var mjög stöðugur, spilaði mikið. Tímabilið á undan var kannski aðeins betra, en ég er sáttur."


Davíð lagði upp eitt mark á tímabilinu, hefði hann viljað koma að fleiri mörkum? „Já. Það er svolítið þannig að þegar það byrjar að detta þá dettur það. Vonandi kemur það bara á næsta ári."

Sýnir að maður er mikilvægur liðinu
Hann var einn af sex leikmönnum í Allsvenskan sem léku allar mínúturnar á tímabilinu.

„Ég áttaði mig ekki á því fyrr en það voru tvær umferðir eftir, þá var ég látinn vita af því. Ég er mjög hreykinn af því, mjög jákvætt. 100%, það sýnir að maður er mikilvægur liðinu."

„Það kom eitt tímabil með Breiðabliki þar sem mig minnir að ég hafi spilað allar mínútur. Ég hef verið heppinn með meiðsli og allt það, er grannur og léttur."


Líður vel í Svíþjóð - Mikill fótboltakúltúr
Lífið í Svíþjóð er mjög gott segir Davíð og honum leiðist ekki.

„Mér líður mjög vel þarna og á marga góða vini. Hef ekkert slæmt um Kalmar að segja, í rauninni allt jákvætt og mér líður mjög vel, góðir strákar í liðinu og liðið skemmtilegt. Fótboltahliðin skiptir máli: að vera í góðu liði. Þegar það gengur vel þá er skemmtilegra. Við erum nokkrir í hóp sem förum alltaf og fáum okkur kaffi og gerum eitthvað um helgar. Ég hef alltaf eitthvað að gera."

Hvernig er að spila í sænsku deildinni?

„Þetta er öflug deild, mikið áhorf, mikið af fólki sem kemur á vellina og mikill fótboltakúltúr. Þegar þú ferð að spila í Stokkhólmi fyrir framan 20, 30, 40 þúsund manns, það er geðveik tilfinning. Það eru mörg lið sem eru með góðan stuðning. Þegar við fáum stórliðin í heimsókn til okkar þá er það ógeðslega gaman. Skemmtileg deild."

Vill geta horft til baka án þess að sjá eftir einhverju
Ertu með draum um að spila á enn hærra stigi?

„Auðvitað, eru ekki allir þannig? Maður vill horfa til baka og ekki sjá eftir neinu. Það er eitthvað sem ég er að reyna gera líka. Ef það gerist þá gerist það, ef það gerist ekki þá er það bara þannig. Í dag er ég sáttur við þetta 'level'," sagði Davíð.

Í viðtalinu, sem má sjá í spilaranum efst, er Davíð einnig spurður út í landsliðið og að sjá uppeldisfélagið í Evrópukeppni.
Athugasemdir
banner
banner
banner
banner