Kvaratskhelia er 20 ára gamall og kemur frá Georgíu en hann er að spila sitt annað tímabil fyrir Rubin.

Þessi öflugi vængmaður hefur spilað afar vel í rússnesku deildinni og einnig heillað í landsleikjum með Georgíu en samkvæmt Estadio Deportiva þá er mikill áhugi á leikmanninum.

Þýska félagið Bayern München hefur mikinn áhuga á því að fá hann í sumar.

Umboðsmaður hans er sannfærður um að hann endi hjá Bayern eða Real Madrid.

Það er ekkert nýtt að leikmenn Georgíu endi í Þýskalandi en Freiburg fékk þrjá leikmenn frá Georgíu á tíunda áratugnum er félagið keypti þá Alexander Iashvili, Levan Kobiashvili og Levan Tsikitishvili. Þeir slógu í gegn hjá Freiburg og hjálpuðu liðinu að komast upp í deild þeirra bestu.