Úlfa Dís framlengir hjá Stjörnunni

Úlfa Dís er uppalin í FH en hún gekk til liðs við Stjörnuna sumarið 2021. Hún hefur komið við sögu í 12 leikjum liðsins í sumar og skorað þrjú mörk.

Hún hefur leikið 86 leiki á meistaraflokksferlinum og skorað 15 mörk.

Stjarnan er með 19 stig í 6. sæti eftir 15 umferðir en Úlfa Dís átti frábæran leik í 14. umferð þegar liðið vann FH 2-1. Hún skoraði fyrra mark liðsins og var valin besti maður vallarins að mati Fótbolta.net.