Sigurður Heiðar Höskuldsson, þjálfari Leiknis R., var sáttur með mikilvæg þrjú stig eftir sigur gegn Víkingi í Ólafsvík í dag.
Leiknir er í hörku baráttu á toppi Lengjudeildarinnar, í öðru sæti á markatölu þegar tvær umferðir eru eftir.
„Við vorum pínu sloppy og seinir í gang í fyrri hálfleik. Heilt yfir vorum við ekkert sérstakir en í seinni hálfleik byrjaði ég að sjá hjarta og dugnað í mönnum og við kláruðum leikinn," sagði Siggi.
„Við vissum að þetta yrði rosaleg barátta um að fara upp þannig þetta kemur ekkert á óvart. Við verðum að mæta aðeins gíraðari á móti Grindavík næstu helgi heldur en við gerðum í dag, við sluppum pínu með skrekkinn þarna í byrjun.
„Við vitum alveg að við getum stillt okkur betur inn heldur en í dag og við munum alveg hundrað prósent gera það."
Athugasemdir
