Persie sagði þá að þetta væri ekki rétti tíminn til að brosa og að leikmenn ættu að óttast þjálfarann.

Solskjær var spurður út í þessi ummæli hjá Persie á blaðamannafundi fyrir leikinn gegn Wolves í dag og Ole svaraði svo sannarlega fyrir sig.

„Ég þekki ekki Robin og hann þekkir ekki mig. Hann hefur líklega ekki rétt á að gagnrýna þjálfarastíl minn og ég mun ekki breytast. Það er klárt. Hann tók mína treyju númer 20 hjá United og það er líklega það eina sem hann mun nokkurn tímann taka frá mér," sagði Solskjær.

Solskjær hefur legið undir mikilli gagnrýni á þessari leiktíð og ljóst er að pressan á einungis eftir að aukast. United mætir Wolves á útivelli í FA bikarnum í dag klukkan 17.31.