Manchester City 2 - 0 Newcastle
1-0 Phil Foden ('15 )
2-0 Bernardo Silva ('67 )
1-0 Phil Foden ('15 )
2-0 Bernardo Silva ('67 )
Englandsmeistarar Manchester City eru tveimur stigum á eftir toppliði Arsenal eftir að hafa unnið Newcastle United, 2-0, í 26. umferð deildarinnar á Etihad-leikvanginum í dag.
Heimamenn fengu gjöf frá Newcastle strax á 15. mínútu leiksins en þá átti Rodri sendingu út á hægri vænginn á Phil Foden sem fékk stórt svæði til að hlaupa í. Vörn Newcastle var sofandi á verðinum og tókst Foden að keyra inn í teiginn áður en hann kom boltanum í netið. Boltinn hafði viðkomu af Sven Botman og framhjá Nick Pope í markinu.
Callum Wilson fékk gott færi til að jafna leikinn átta mínútum fyrir lok fyrri hálfleiks en hann hitti boltann illa.
Bernardo Silva kom inná sem varamaður á 67. mínútu leiksins og var hann ekki lengi að láta að sér kveða. Jack Grealish fann Erling Braut Haaland sem náði að pota honum á Silva. Portúgalski sóknartengiliðurinn teygði sig í boltann og tókst að ná þéttingsföstu táarskoti í hann og þaðan í netið.
Foden gat bætt við þriðja marki Man City þegar fimm mínútur voru eftir en Pope varði vel.
Ekki gerðist meira markvert í þessum leik og 2-0 sigur Man City staðreynd. Man City er í öðru sæti með 58 stig, tveimur stigum á eftir Arsenal, en Newcastle í 5. sæti með 41 sig.
Athugasemdir