Ægir er loksins kominn með sigur í Lengjubikarnum eftir að liðið lagði KFG að velli í Garðabæ í dag.
Heimamenn í KFG leiddu í leikhlé þökk sé marki frá Kára Péturssyni snemma leiks en Ægismenn sneru stöðunni við í síðari hálfleik. Jóhannes Karl Bárðarson jafnaði áður en Renato Punyed skoraði sigurmarkið.
Þetta eru fyrstu stig Ægis í Lengjubikarnum í vor eftir þrjár umferðir og er þetta jafnframt fyrsti tapleikur KFG eftir þrjár umferðir. Liðin leika í riðli 3 í B-deild Lengjubikarsins.
Í riðli 2 átti Hvíti riddarinn heimaleik gegn Sindra og lentu gestirnir ekki í erfiðleikum. Abdul Bangura setti þrennu í þægilegum fjögurra marka sigri Sindra sem er með fullt hús stiga eftir þrjár umferðir.
Hvíti riddarinn er án stiga og með markatöluna 1-14.
KFG 1 - 2 Ægir
1-0 Kári Pétursson ('6)
1-1 Jóhannes Karl Bárðarson ('58)
1-2 Renato Punyed ('73)
Hvíti riddarinn 0 - 4 Sindri
0-1 Abdul Bangura ('17)
0-2 Björgvin Freyr Larsson ('45)
0-3 Abdul Bangura ('53)
0-4 Abdul Bangura ('64)
