Shaw lagði upp tvö mörk í 4-0 sigri Englands á Úkraínu í gær er þjóðin tryggði sig inn í undanúrslit Evrópumótsins.

Hann er því kominn með þrjár stoðsendingar á EM og hefur komið mikið við sögu í sóknarleik Englendinga.

Varnarlega hefur hann reynst mjög vel, Enska liðið hefur ekki enn fengið á sig mark og fylgir hann eftir góðum árangri með Manchester United á síðustu leiktíð.

Samkvæmt Fabrizio Romano er United að undirbúa samningaviðræður við Shaw en þær munu hefjast á næstu tveimur mánuðum.

Shaw á tvö ár eftir af samningnum hjá United en félagið vill binda hann til næstu fimm ára.