Það eru fimm leikir á dagskrá í Bestu deildunum í dag og í kvöld þar sem enn er mikil spenna í karlaflokki.
Dagurinn hefst á heimaleikjum ÍBV og KR í neðri hluta Bestu deildar karla þar sem liðin eru í gríðarlega spennandi fallbaráttu.
ÍBV tekur á móti ÍA á sama tíma og KR fær Aftureldingu í heimsókn.
Eyjamenn sigla lygnan sjó og hafa verið í miklu stuði að undanförnu en gestirnir af Skaganum eru aðeins þremur stigum frá fallsæti sem stendur. Skagamenn hafa unnið báða leikina sína í neðri hlutanum og geta svo gott sem tryggt sér áframhaldandi þátttöku í Bestu deildinni með sigri í dag.
KR og Afturelding mætast þá í hálfgerðum úrslitaleik þar sem bæði lið eru í fallsæti. KR er óvænt á botninum með 24 stig eftir 24 umferðir, einu stigi minna heldur en Afturelding.
Í kvöld á Valur svo heimaleik gegn Stjörnunni í efri hlutanum. Liðin eru að berjast um annað sæti deildarinnar eftir að Víkingur R. stakk af.
Bæði Valur og Stjarnan þurfa á sigri að halda í kvöld til að eiga möguleika á að stela toppsætinu af Víkingi R, sem er með sjö stiga forystu þegar þrjár umferðir eru eftir. Þá er sigur í kvöld mjög mikilvægur í baráttunni um Evrópusæti.
Í dag fara einnig fram leikir í neðri hluta Bestu deildar kvenna en þar eru FHL og Tindastóll nú þegar fallin svo liðin eru einungis að spila upp á stoltið.
Besta-deild karla - Efri hluti
20:00 Valur-Stjarnan (N1-völlurinn Hlíðarenda)
Besta-deild karla - Neðri hluti
14:00 ÍBV-ÍA (Hásteinsvöllur)
14:00 KR-Afturelding (Meistaravellir)
Besta-deild kvenna - Neðri hluti
15:00 FHL-Þór/KA (Fjarðabyggðarhöllin)
16:15 Fram-Tindastóll (Lambhagavöllurinn)
Besta-deild karla - Efri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 26 | 16 | 6 | 4 | 56 - 31 | +25 | 54 |
| 2. Valur | 26 | 13 | 6 | 7 | 61 - 44 | +17 | 45 |
| 3. Stjarnan | 26 | 12 | 6 | 8 | 48 - 42 | +6 | 42 |
| 4. Breiðablik | 26 | 10 | 9 | 7 | 43 - 40 | +3 | 39 |
| 5. FH | 26 | 8 | 9 | 9 | 46 - 42 | +4 | 33 |
| 6. Fram | 26 | 9 | 6 | 11 | 37 - 37 | 0 | 33 |
Besta-deild karla - Neðri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. KA | 26 | 10 | 6 | 10 | 41 - 46 | -5 | 36 |
| 2. ÍBV | 26 | 9 | 6 | 11 | 31 - 33 | -2 | 33 |
| 3. ÍA | 26 | 10 | 1 | 15 | 36 - 50 | -14 | 31 |
| 4. Vestri | 26 | 8 | 5 | 13 | 25 - 39 | -14 | 29 |
| 5. KR | 26 | 7 | 7 | 12 | 50 - 61 | -11 | 28 |
| 6. Afturelding | 26 | 6 | 9 | 11 | 36 - 45 | -9 | 27 |
Besta-deild kvenna - Neðri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þór/KA | 21 | 9 | 1 | 11 | 38 - 44 | -6 | 28 |
| 2. Fram | 21 | 8 | 2 | 11 | 32 - 47 | -15 | 26 |
| 3. Tindastóll | 21 | 6 | 3 | 12 | 30 - 52 | -22 | 21 |
| 4. FHL | 21 | 1 | 1 | 19 | 15 - 68 | -53 | 4 |
Athugasemdir
