Man Utd gæti misst Fernandes - Napoli vill Mainoo - Barcelona og Liverpool berjast um Upamecano
banner
   lau 04. október 2025 12:22
Brynjar Ingi Erluson
Plastbolti á vellinum er Leeds jafnaði metin
Noah Okafor skoraði annað deildarmark sitt
Noah Okafor skoraði annað deildarmark sitt
Mynd: Leeds
Nýliðar Leeds eru búnir að jafna metin gegn Tottenham á Elland Road, en það vakti athygli að plastbolti var í leik þegar Noah Okafor skoraði.

Okafor skoraði annað deildarmark sitt á tímabilinu er Guglielmo Vicario varði skot Brenden Aaronson til hliðar.

Svissneski sóknarmaðurinn komst fram fyrir Destiny Udogie áður en hann setti boltann í netið.

Í augnablikinu rúllaði plastbolti við markið, en hafði ekki bein áhrif og stóð markið. Engu að síður mjög svo áhugavert augnablik.

Margir muna líklega eftir því þegar Liverpool fékk á sig mark á móti Sunderland í október fyrir sextán árum. Darren Bent átti skot sem fór af strandbolta og þaðan í netið, en boltanum var kastað inn á völlinn af stuðningsmanni Liverpool.

Umdeilt mark sem fékk að standa, en þetta atvik sem átti sér stað í dag var ekki alveg jafn umdeilt enda spilaði hann enga rullu í markinu sjálfu.

Sjáðu markið


Athugasemdir