Gabriel Jesus
Brasilíski framherjinn Gabriel Jesus verður frá í að minnsta kosti þrjá mánuði vegna meiðsla á hné en þetta segir brasilíski miðillinn Sportv.
Jesus, sem hefur verið mikilvægur hlekkur í liði Arsenal á leiktíðinni, meiddist á hné í 1-0 tapinu gegn Kamerún á dögunum.
Brasilískir fjölmiðlar greindu frá því að Jesus yrði ekki meira með á HM og hafa nú borist frekari fréttir af meiðslunum.
Samkvæmt Sportv verður Jesus frá í þrjá mánuði en hann mun þurfa að gangast undir aðgerð á hné.
Jesus flýgur til Lundúna í dag og mun í kjölfarið gangast undir aðgerð.
Þetta eru verulega slæmar fréttir fyrir Arsenal, enda hefur Jesus spilaði mikilvæga rullu síðan hann kom frá Manchester City í sumar og situr Arsenal í toppsæti ensku úrvalsdeildarinnar með fimm stiga forystu á Man City.
Athugasemdir
