Fylkir hefur fengið Þórhildi Þórhallsdóttur á láni frá Breiðablik út tímabilið.

Þórhildur er þrælefnilegur leikmaður sem er fædd árið 2003. Hún er uppalin í HK/Víking og spilaði með liðinu tvö tímabil í Pepsi Max-deildinni 2018 og 2019.

Hún gekk í raðir Breiðablik 2019 en var á láni hjá Augnablik í fyrra þar sem hún skoraði fimm mörk í 14 leikjum í Lengjudeldinni.

Á þessu tímabili hefur Þórhildur komið við sögu í sex leikjum í Pepsi Max-deildinni en hún mun eflaust fá stærra hlutverk hjá Fylki.

Fylkir hefur ollið vonbrigðum í Pepsi Max-deildinni í sumar og situr í áttunda sæti, einu stigi frá fallsvæðinu.

Þórhildur getur spilað með Fylki í næsta leik gegn ÍBV á morgun.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit