Anthony Martial
Gríska félagið AEK Aþena hefur boðið franska sóknarmanninum Anthony Martial stærsta samning í sögu félagsins en það er Sport24 sem greinir frá.
Martial er 28 ára og án félags eftir að hafa yfirgefið Manchester United þegar samningur hans rann út í sumar.
Frakkinn hefur verið að skoða stöðuna vel og vandlega, en hann er sagður vera með tilboð frá öllum heimsálfum.
Sport24 fullyrðir að AEK Aþena hafi boðið Martial stóran samning en hann yrði launahæsti leikmaður í sögu félagsins ef hann ákveður að taka boðinu.
Argentínumaðurinn Erik Lamela er í dag launahæsti leikmaður í sögu félagsins með tvær milljónir evra í árslaun en Martial myndi trompa það.
Talið er ólíklegt að Martial fari til Grikklands á þessum tímapunkti ferilsins, en hann telur sig enn hafa burði til að spila í stærstu deildum Evrópu.
Athugasemdir
