Everton er með fullt hús stiga og hefur Pickford átt flottar vörslur en hann hefur líka gerst sekur um skelfileg mistök. Þess vegna vill Ancelotti hafa alvöru samkeppni fyrir hann eftir að Maarten Stekelenburg yfirgaf félagið.

Jonas Lössl, fyrrum aðalmarkvörður Huddersfield og Mainz, er einnig í baráttunni við Olsen og Pickford um markmannsstöðuna.

Olsen er 30 ára gamall og var hugsaður sem arftaki Alisson Becker hjá Roma. Hann kostaði 12 milljónir evra eftir að hafa gert frábæra hluti á milli stanga FC Kaupmannahafnar.

Olsen var þó mistækur hjá Roma og missti byrjunarliðssæti sitt á miðju tímabili. Hann var lánaður til Cagliari í fyrra en tókst ekki að halda sér í byrjunarliðinu þar heldur.