Fótbolti.net

Sævar Atli ræðir brottrekstur Freys - „Fengum ekki að kveðja hann“

Erfitt að finna betri stað til að búa á en skoðar sína möguleika

Glódís afhjúpar hver stal senunni í nýliðavígslunni

Steini: Hennar að sýna að hún sé klár í að leysa þetta

„Ótrúlegt en satt að þetta nákvæmlega hafi komið upp"

Óvissa eftir geggjaðan tíma - „Tíu skref á milli okkar“

Draumurinn frá fimm ára aldri

„Alltaf mikill heiður að sjá nafnið mitt á þessu skjali"

Steig inn þegar markvörðurinn fór til Liverpool - „Lífið er geðveikt"

Karólína nýtur sín í æðislegri borg - „Smá Ítalí í mér"

18 ára að festa sig í sessi - „Þarf að drífa mig upp á herbergi að plana atriði"

Orðsporið farið stækkandi í Svíþjóð - „Þetta er annað heimili mitt"

Átti að vera árið hans Sölva - „Víkingur væri að berjast í efri hlutanum í Superligunni"

Ætlar að berjast við Árna um stöðuna - „Þurfti aðeins að klípa mig“

Venni: Fótboltinn breytist ekkert þó ég kaupi einhverja menn eða við spilum með ákveðnum hætti

Ray: Ég held að það sé bara bjart framundan hjá okkur

Kári Kristjáns: Mér líður bara ógeðslega vel hérna

Sjáðu rauða spjaldið á Brynjar Björn - „Síðasti séns að sjá þetta trix"

Sterkastur í 9. umferð - „Þetta var upp á líf og dauða fyrir okkur“

Maggi er ósáttur með mark Fylkis: Boltinn var aldrei inni

þri 05. nóvember 2024 20:08

Elvar Geir Magnússon

„Spennandi hópur sem er ógeðslega gaman að vinna með“

Íslenska U17 landsliðið er gríðarlega efnilegt.

Mynd: Fótbolti.net - Hafliði Breiðfjörð

Lúðvík Gunnarsson er öruggur á því að fleiri úr þessum hóp séu á leiðinni út.

Mynd: Fótbolti.net - Guðmundur Aðalsteinn Ásgeirsson

Íslenska U17 landsliðið er komið á næsta stig undankeppni EM en liðið lenti í öðru sæti í riðlinum sem spilaður var hér á landi. Í dag mættu strákarnir Spáni í lokaleiknum en fyrir hann var ljóst að þessi tvö lið færu áfram.

Niðurstaðan varð 2-2 jafntefli í kvöld eftir að Ísland vann sannfærandi sigra gegn Norður-Makedóníu (4-1) og Eistlandi (3-1) í hinum leikjunum. Lúðvík Gunnarsson þjálfari U17 landsliðsins er að vonum ánægður með árangurinn.

Lestu um leikinn: Ísland U17 2 - 2 Spánn U17

„Við erum með hörkulið, marga flotta stráka og marga X-faktora. Það eru margir komnir út og ég er alveg öruggur á því að það eru fleiri á leiðinni," sagði Lúðvík við Fótbolta.net eftir leikinn í kvöld en sex í íslenska hópnum eru hjá dönskum félögum

„Við vorum ekkert hræddir, við þorðum að stíga á þá og þorðum að spila. Það var bara ekki bara leið eitt. Þegar við erum með svona flotta gaura er mikilvægt að menn þori að spila fótbolta. Svona leikur sýnir að þeir geta spilað við hvaða lið sem er. Ég er ógeðslega stoltur af þessum gæjum."

Gunnar Orri Olsen sem er hjá FC Kaupmannahöfn jafnaði í 2-2 á 84. mínútu og svo hefði annar FCK strákur, Viktor Bjarki Daðason, getað skorað sigurmarkið í lokin en þá skaut hann framhjá úr hörkufæri.

„Við hefðum getað stolið þessu í restina, Viktor Bjarki var óheppinn. Hann fékk boltann í sköflunginn. Egill (Orri Arnarsson) bjargaði okkur tvisvar og Siggi markvörður (Sigurður Jökull Ingvason) stóð sig frábærlega. Spænska liðið er hrikalega gott en við vorum alltaf inní þessu og náðum ógna. Þetta var flottur leikur."

Dregið verður í næsta stig undankeppninnar í desember og Lúðvík er spenntur fyrir því að sjá hverjir mótherjar Íslands verða, og hvar sá riðill verður leikinn.

„Frábært að fá að spila þennan riðil á Íslandi, það er ekki oft sem það gerist. Drengirnir hafa elskað það, vel hugsað um okkur á hótelinu og Siggi Dúlla er í öllum hlutverkum í undirbúningi. Teymið sem var með mér var geggjað. Þetta er spennandi hópur sem er ógeðslega gaman að vinna með."

Ýmislegt fleira kemur fram í viðtalinu við Lúðvík sem sjá má í heild sinni í sjónvarpinu hér að ofan.