Brasilíski miðjumaðurinn Casemiro gæti misst af fyrri leik Manchester United gegn Real Betis í 16-liða úrslitum Evrópudeildarinnar á fimmtudag vegna meiðsla en þetta segir Rob Dawson hjá ESPN.
Casemiro var ólíkur sjálfum sér í 7-0 tapinu gegn Liverpool í gær en margir tóku eftir að það var eitthvað ekki í lagi.
Það var raunin. Brasilíumaðurinn er að glíma við smávægileg meiðsli og er alveg óvíst hvort hann verði með United í Evrópudeildinni á fimmtudag.
Læknateymi United mun nú skoða alvarleika meiðslana áður en tekin verður ákvörðun um framhaldið.
Casemiro hefur verið einn af bestu leikmönnum liðsins undir stjórn Erik ten Hag á þessu tímabili og náð góðu jafnvægi á miðjuna en fjarvera hans gæti reynst dýrkeypt fyrir liðið ef það ætlar sér stóra hluti í Evrópudeildinni.
Athugasemdir
