Ægir tekinn niður í viðtali: Sturluð tilfinning

„Ég er búinn að skora núna og síðast gegn Stjörnunni, það er kannski ekki alveg alltaf, en það er gaman að skora, sama á móti hverjum það er. Það er ennþá betra að þetta eru sigurmörk. Ég get alveg skorað, ég veit það. Það sem skiptir máli er að við unnum leikinn og förum áfram."

„Ég fæ boltann rétt fyrir utan vítateig, er nálægt markinu, reyni að koma mér í skotið, kem boltanum á vinstri, hitt'ann ágætlega og hann liggur inni sem er bara geggjað. Ég er töluvert betri með hægri en ég get reddað mér með vinstri."

Ægi finnst KR á leið í rétta átt núna: „Allt að koma hjá okkur og mér líst vel á framhaldið."

Hann hefur komið að þremur mörkum í síðustu þremur leikjum. „Það er eitthvað sem ég býst við af sjálfum mér; að skora og leggja upp. Gott að það sé að tikka inn núna loksins. Það er bara tilviljun að þetta sé að detta núna. Þetta er bara að æfa vel, hugsa um sig og þetta kemur síðan bara allt á endanum held ég."

„Það verður hörku helvítis leikur og ég er bara mjög spenntur," sagði Ægir um að mæta Víkingi í undanúrslitum. Hér að neðan má sjá viðtal hans við RÚV eftir leik þar sem sést að Kristján Flóki Finnbogason tæklar hann í grasið í miðju viðtali.

Viðtal við Ægi þar sem Kristján Flóki tæklar hann. Hörður spurði Ægi hvor hann yrði velkominn í Garðabæ á næstunni, en hann er búinn að skora tvö sigurmörk gegn þeim á skömmum tíma. “Ég reyndar bý í Urriðaholtinu sem er í Garðabænum. Svo það er spurning hvort þeir fleygi mér út.“ pic.twitter.com/5xPdjOFaA6

— RÚV Íþróttir (@ruvithrottir) June 6, 2023