Francesco Calvo, stjórnandi hjá Juventus, greinir frá því að Juventus hafi áhuga á að semja við Angel Di Maria.
Samningur Di Maria rennur út í sumar og er mikill áhugi á honum frá ýmsum fjárhagslega sterkum fótboltafélögum víðsvegar um heiminn.
Sterkasti orðrómurinn tengir Di Maria við Inter Miami, bandarískt félag í eigu David Beckham með Phil Neville sem þjálfara.
Þessi kantmaður er 35 ára gamall og varð heimsmeistari með argentínska landsliðinu fyrir áramót. Hann gekk í raðir Juve síðasta sumar og hefur komið að 14 mörkum í 23 leikjum, með 7 mörk og 7 stoðsendingar.
„Di Maria er leiðtogi í búningsklefanum og við viljum halda honum. Við erum í viðræðum við umboðsmenn hans og höfum mikla trú á að samkomulag muni nást," segir Calvo.
Athugasemdir
