Fótbolti.net

Kári Árna: Týndu synirnir eru komnir aftur heim

Viktor Bjarki aðstoðar Sölva: Verið draumur mjög lengi

Sölvi fengið góðan skóla og stígur nú í stóra skó - „Búinn að heilaþvo mann síðustu sex árin"

Endurnýjar kynnin við Arnar - „Vona að hann hafi lært eitthvað"

Arnar í draumastarfið: Ótrúlega ljúft en að sama skapi smá sorg

Eyþór með skýr markmið í nýju liði - „Þetta er bara mín vinna"

Atli Þór í skýjunum: Víkingur var eina liðið sem ég hafði auga á

Alex er kominn heim: Mig langaði að fara í bláu treyjuna aftur

Benoný stýrði víkingaklappinu með stuðningsmönnum eftir fyrsta leikinn sinn

Stígur út úr þægindarrammanum og fer norður - „Nú fer ég og kíki í mat til hennar"

Hákon segir allt risastórt hjá Lille - „Vinur minn vill að ég taki Nunez treyjuna"

Glódís Perla: Ótrúlega dýrmætt og mun aldrei gleyma því

Kominn heim eftir dvöl í Portúgal og á Ítalíu - „Er enn með stóra drauma"

Ekki erfitt að segja tengdapabba frá ákvörðuninni - „Tími til þess að breyta til"

Frétti á Instagram að hann yrði ekki áfram í Kanada - „Eins og er, þá er það ekki planið"

Sjáðu mörkin úr leik Fram og KR

Valdimar Þór: Smá einbeitingarleysi sem er stórhættulegt í þessari keppni

Glímir við sama vandamál og Guardiola - „Hvenær endar lærdómurinn?"

Ari Sigurpáls: Heiður að þeir hafi áhuga

Sjáðu mörkin úr Bose mótinu um helgina - Eiður byrjaði vel hjá KR

sun 07. maí 2023 22:05

Guðmundur Aðalsteinn Ásgeirsson
Origo vellinum

Rúnar um stöðu sína: Ekki mitt að taka ákvarðanir í þessu

Rúnar Kristinsson, þjálfari KR.

Mynd: Fótbolti.net - Hafliði Breiðfjörð

„Mér líður hræðilega eins og öllum mínum leikmönnum og KR-ingum. Þetta er ekki góður dagur fyrir okkur," sagði Rúnar Kristinsson, þjálfari KR, eftir niðurlægjandi tap gegn nágrönnunum í Val í Bestu deildinni í kvöld. Leikurinn endaði með 5-0 sigri Valsara.

Lestu um leikinn: Valur 5 - 0 KR

„Þetta er mjög slæmt tap. Við verðum að fara á æfingasvæðið og sjá hvað við getum lagað."

KR átti ágætis kafla í dag en Rúnar segir að það vanti sjálfstraust í liðið. „Við erum að koma okkur í ágætis stöður en það vantar næst síðustu eða síðustu sendinguna til að búa til dauðafæri. Þegar við loksins komumst í færi þá nýtum við það ekki. Það er kannski munurinn á liðunum, sjálfstraust Valsmanna miðað við lítið sjálfstraust okkar."

„Ég held að sjálfstraust sé eitthvað sem okkur vantar, sérstaklega eftir tapið á móti HK og aftur eftir þennan leik. Við ætluðum að reyna að koma hér út og sleppa okkur lausum, sem við gerðum í byrjun. En við náðum ekki að fylgja því eftir með því að skora og mörk breyta leikjum. Valur skoraði fyrsta markið og eftir það eigum við einn og einn kafla, en erum aldrei sérstaklega líklegir. Það vantar sjálfstraust þegar menn komast í færi og líka þegar við erum í góðum stöðum á vellinum."

„Það eru engar töfralausnir í þessu. Það er erfitt þegar þú lendir í svona ástandi eins og við erum í núna. Við skorum ekki mörk og erum að tapa leikjum. Það er ein leið, það er að mæta á æfingu á morgun og æfa vel. Við þurfum að laga fullt af hlutum," sagði Rúnar og bætt við að það væri aldrei gaman að tapa gegn Val, enn verra að tapa 5-0.

„Við erum ekki á góðum stað... við erum aðeins búnir að fá högg í andlitið en við verðum að standa upp og halda áfram."

Er Rúnar farinn að íhuga stöðu sína sem þjálfari liðsins?

„Við gerum það eftir hvern einasta leik. Við þurfum að sanna okkur í hverjum einasta leik. Þú ert hetja einn daginn og asni annan daginn. Svona er lífið í fótbolta. Það er ekki mitt að taka ákvarðanir í þessu en mér finnst það auðvitað leiðinlegt sem KR-ingur og sem þjálfari liðsins að árangurinn sé ekki betri. Fólk ætlast til að við séum að standa okkur betur og ég geri mér grein fyrir því. Við skulum nú bara aðeins anda með nefinu," sagði Rúnar en hægt er að sjá viðtalið í heild sinni hér að ofan. Næsti leikur KR er gegn Breiðabliki.